We Learn By Doing
MR.DO
قصتي
في يوم من الايام كنت بمكانك. الوضع شقا و ضايع وانا احاول ابني مشروعي و أطور مهاراتي كمصمم واستمتع شوي بحياتي. اشتغلت اكثر من الطبيعي لين انسحبت الفيشة 🔌 وطفيت مره وحدة
الدرس المستفاد؟ ﴿إِنّا كُلَّ شَيءٍ خَلَقناهُ بِقَدَرٍ﴾ [القمر: آية 49]
التوازن اساس كل شي صح، و ربنا موزع الارزاق وقدّرها فلا تذبح نفسك، ركز على اللي تقدر عليه من عمل ودعاء و احسن ظن بالله ،،والنتيجة بترضيك بإذن الله.
الوضع الحالي
مهندس/مصمم، رئيس/مدير تنفيذي لكذا شركة، اشتغلت على كذا مشروع ناجح (ميزانياتهم من 5 آلاف الى 28 مليون دك) عندي مكتبي الخاص وفريق احمد الله علية كل يوم. عملائي ممتازين ومن كل مكان، والشغل ماشي والامور طيبة
ساعدت ودربت مصممين ومبدعين بشكل عام، اللي بلّش مشروعه وللحين يكبر، واللي ضاعف مدخوله الي اضعاف خيالية تبارك الرحمن ومن اعلى الى اعلى. اليوم ودي تكون انت قصة النجاح الجديدة اللي اتشرف اكون جزء منها
ثلاث تحديات رئيسية تواجه المبدعين في السوق، حايشك واحد فيهم الحين؟
شنو يميّز خدماتي و برامجي التدريبية؟
ليش تختار تدرّب مع
MR.DO
هلا وغلا! إذا أنت هني، فإما مشروعك متعثر، أو تحتاج تطور مهاراتك في البزنس، أو ناوي تبدأ مشروع جديد وتحتاج توجيه.
من 2018، أقدم استشارات وتدريبات عشان أساعدك في تأسيس أو تطوير مشروعك الخاص. أؤمن إن الأفكار والحلول رزق، وكل واحد فينا عنده فرصة يحقق النجاح
يمكن ما تعرفني زين، بس أنا موجود عشان أشاركك خبرتي ومهاراتي بدون تردد. سويت لك دورة تدريبية اونلاين تقدر تنزلها عشان تساعدك تتعرف علي اكثر وتستفيد من الاستشارة المجانية اللي معاها، وايضاً بتساعدك تاخذ القرار المناسب بخصوص الشغل معاي
لي صرت جاهز، تقدر تحجز استشارة أو جلسة تدريب شخصية (إذا كانت متوفرة). أنا هني لدعم نجاحك!
قصص نجاح
على كثر ما اني انسان حاط كل تركيزي بالفن تعاملي معاك كمطوّر سهّل عليه وايد امور و فهمت وايد اشياء كانت صعبه علي🙏
اخذت استشارات من قبل مع كذا شخص بس مع عبدالوهاب كانت غير .. النفضه الي صارت مو عاديه و حسيته كان فاهم شنو بقول قبل ما اتكلم .. شكرا عبدالوهاب على وقتك و النصائح الي قدمتها لي و باذن الله نطبقها و نشوف التغير 🚀
انته الحلقة بين اني كنت مبدعة واني
صرت مبدعة بعقلية رائدة اعمال
نخبة نجاحات افتخر فيها
برنامج رائد بإبداعك
خبرتي مع المبادرين ورواد الأعمال عطتني الفرصة أني أساعدهم بالعديد من المشاريع اللي صار لها صدى ونجاح لله الحمد. من خلال جلسات التدريب الفردية، راح نفصّل الخطط والاستراتيجيات اللي تناسب مهاراتك كمبدع وقدراتك وميزانيتك الحاليه
استشارات للبزنس
شرح عالسريع
عشر عادات تمنع خساراتك في البزنس
اتصل بنا
ساعات العمل
يوميا 10:00 ص — 7:00 م